Ղեկավարվելով «Հայաստանի Հանրապետության ընտրական օրենսգիրք» Հայաստանի Հանրապետության սահմանադրական օրենքի 8-րդ հոդվածի 8–րդ մասի 2–րդ պարբերությամբ՝ Կենտրոնական ընտրական հանձնաժողովը
ՏԵՂԵԿԱՑՆՈՒՄ Է.
Արարատի մարզի Վեդի համայնքում կունենա համամասնական ընտրակարգով անցկացվող համայնքի ավագանու ընտրություններ:
Նշված համայնքում քվեարկությունը կանցկացվի 2022 թվականի մարտի 27-ին։
Յուրաքանչյուր ոք իրավունք ունի մինչև 2022 թվականի մարտի 17-ը ընտրողների ցուցակներում տեղ գտած անճշտությունները (այդ թվում` դիմողի անձին չվերաբերող) վերացնելու մասին դիմում ներկայացնել՝ ՀՀ ոստիկանության անձնագրային և վիզաների վարչություն կամ վարչության համապատասխան տարածքային բաժանմունք:
Կուսակցությունների, կուսակցությունների դաշինքների ընտրական ցուցակների առաջադրման և գրանցման համար անհրաժեշտ փաստաթղթերը համապատասխան տարածքային ընտրական հանձնաժողով ներկայացվում են՝ 2022 թվականի փետրվարի 10-ից մինչև փետրվարի 20-ը, ժամը՝ 18:00-ն:
Համապատասխան տարածքային ընտրական հանձնաժողովում կուսակցությունների, կուսակցությունների դաշինքների ընտրական ցուցակների գրանցումը կատարվում է՝ 2022 թվականի փետրվարի 20-ից մինչև փետրվարի 25-ը, ժամը՝ 18:00-ն:
Համամասնական ընտրակարգով անցկացվող համայնքի ավագանու 2022 թվականի մարտի 27-ին կայանալիք հերթական ընտրությունների նախապատրաստման և անցկացման հիմնական միջոցառումների ժամանակացույցին կարելի է ծանոթանալ Կենտրոնական ընտրական հանձնաժողովի համացանցային կայքում՝ www.elections.am:
Հայաստանի Հանրապետության
Կենտրոնական ընտրական հանձնաժողով