Հայաստանի Հանրապետության

կենտրոնական ընտրական հանձնաժողով

պաշտոնական կայք

Նորություններ

17 Փետրվար, 2020
Կենտրոնական ընտրական հանձնաժողովը տեղեկացնում է, որ 2020 թվականի փետրվարի 17-ը ներառյալ հանրաքվե անցկացնելու մասին Ազգային ժողովի որոշման նախագծին դեմ կամ ձեռնպահ քվեարկած Ազգային ժողովի պատգամավորների կողմից «ՈՉ» քարոզչության կողմ ձևավորելու վերաբերյալ դիմում չի ներկայացվել։
Նման դեպքերում, «Հանրաքվեի մասին» Հայաստանի Հանրապետության սահմանադրական օրենքի 17-րդ հոդվածի 8-րդ մասի համաձայն՝ առնվազն 50 քաղաքացիներից բաղկացած խումբը կարող է դիմել Կենտրոնական ընտրական հանձնաժողով` «ՈՉ» քարոզչության կողմ գրացվելու նպատակով:
Քաղաքացիների կողմից «ՈՉ» քարոզչության կողմ գրանցելու գրություն (դիմում) Կենտրոնական ընտրական հանձնաժողով կարող է ներկայացվել 2020 թվականի փետրվարի 18-ից: Դիմումը կարող է ներկայացվել աշխատանքային օրերին՝ ժամը 9:00-18:00:
Գրությանը (դիմումին) կից ներկայացվում է «ՈՉ» քարոզչության կողմ ձևավորելու և լիազոր ներկայացուցիչ նշանակելու մասին որոշումը՝ ստորագրված քաղաքացիների կողմից, և որոշումը ստորագրած «ՈՉ» քարոզչության կողմի անդամների անձը հաստատող փաստաթղթի պատճենները: Մեկից ավելի գրություններ (դիմումներ) ստացվելու դեպքում դրանք քննարկվելու են` ըստ Կենտրոնական ընտրական հանձնաժողով ներկայացվելու հերթականության:
12 Փետրվար, 2020
Այսօր Կենտրոնական ընտրական հանձնաժողովը հերթական նիստում ընդունել է որոշում, ըստ որի՝ 2016 թվականին և դրանից հետո հանձնաժողովի կողմից կազմակերպված մասնագիտական դասընթացների ստուգարքների հիման վրա տրված ընտրական հանձնաժողովում ընդգրկվելու որակավորման վկայականները, որոնց վավերականության ժամկետը լրանում է ավելի շուտ քան 2020 թվականի մայիսի 1-ը, համարվում են վավեր մինչև 2020 թվականի մայիսի 1-ը:
11 Փետրվար, 2020
Այսօր Կենտրոնական ընտրական հանձնաժողովը (ԿԸՀ) արտահերթ նիստում հաստատել է 2020 թվականի ապրիլի 5-ին կայանալիք Հայաստանի Հանրապետության Սահմանադրության փոփոխությունների հանրաքվեի նախապատրաստման և անցկացման հիմնական միջոցառումների ժամանակացույցը։
Նիստում, հիմք ընդունելով Երևանի քաղաքապետի` «Հայաստանի Հանրապետության Երևան քաղաքի ավագանու անդամ Հենրիկ Հարթենյանի՝ ավագանու անդամի լիազորությունները դադարեցնելու մասին» արձանագրությունը և ղեկավարվելով Ընտրական օրենսգրքով, ԿԸՀ-ն կազմել է արձանագրություն՝ Երևանի ավագանու Իմ քայլը կուսակցությունների դաշինքի ընտրական ցուցակից ընտրված և լիազորությունները վաղաժամկետ դադարած ավագանու անդամի մանդատը նույն դաշինքի ընտրական ցուցակի հերթական հաջորդ թեկնածու Պավել Յուրիի Սարգսյանին տալու վերաբերյալ:
ԿԸՀ-ն էլեկտրոնային վիճակահանությամբ բաշխել է նաև 2020 թվականի մարտի 15-ին հանրապետության 5 համայնքում կայանալիք տեղական ինքնակառավարման մարմինների ընտրությունների տեղամասային ընտրական հանձնաժողովների նախագահների և քարտուղարների պաշտոնները Ազգային ժողովում խմբակցություն ունեցող կուսակցությունների, կուսակցությունների դաշինքի միջև: